Mingəçevir Turizm Kollecində 17 oktyabr 2025-ci il tarixində “Kollec mühitinə uyğunlaşma, məqsədlərin müəyyənləşdirilməsi və motivasiyanın artırılması” mövzusunda maarifləndirici təlim keçirilib. Kollecin psixoloqu Atlas Qurbanlı tərəfindən təşkil edilmiş təlimin əsas məqsədi birinci kurs tələbələrinin tədris mühitinə sosial-psixoloji adaptasiyasını dəstəkləmək, onların fərdi və akademik inkişafını stimullaşdırmaq olub. Təlim zamanı tələbələrdə məqsədqoyma bacarığının formalaşdırılması, daxili motivasiyanın artırılması və kollektiv mühitə müsbət inteqrasiya prosesinə dəstək mövzuları ətrafında müzakirələr aparılıb. İnteraktiv müzakirələr, qrup tapşırıqları və praktik nümunələr vasitəsilə tələbələr vaxt idarəçiliyi, özünümotivasiya və komanda ruhu kimi bacarıqları təcrübədən keçiriblər. Sonda mövzu ətrafında müzakirələr aparılıb və tələbələrin sualları cavablandırılıb.