Mingəçevir Turizm Kollecində 16 oktyabr 2025-ci il tarixində Azərbaycan Respublikasının Prezidenti cənab İlham Əliyevin müvafiq fərmanına əsasən Elm və Təhsil Nazirliyinin tabeliyində yaradılmış Tələbə Təhsil Krediti Fondunun nümayəndəsi Fatimə Abdullayeva tələbələrlə görüş keçirib. Görüş zamanı Fondun əməkdaşı tələbələrə tələbə təhsil kreditləri barədə ətraflı məlumat verib, bu sahədə məlumatlılığın artırılması məqsədilə Fondun fəaliyyəti haqqında geniş təqdimat aparıb. Sonda tələbələrin ünvanladıqları suallar cavablandırılıb.