Mingəçevir Turizm Kollecində, 27 sentyabr 2024-cü il tarixində “Gənc Hüquqşünaslar İctimai Birliyi” nin təlimi keçirilib. Təlimdə hüquqşünas Sima Yaqubova “Məişət zorakılığına qarşı hüquqi mübarizə üsulları” haqqında geniş və ətraflı məlumat verib.

Təlim xarakterli görüşdə şəhidlərimizin əziz xatirəsi bir dəqiqəlik sükutla yad edildikdən sonra, məişət zorakılığı haqqında əsas anlayışlar izah edilib.

Sima Yaqubova tələbələrə iqtisadi, fiziki, cinsi, psixoloji zorakılıq və məişət zorakılığınddan qorunmaq üçün hüquqi prosedurlar haqqında məlumat verib. Tələbələr, mühafizə orderi və necə əldə edilməsi barədə maarifləndirilib.