Mingəçevir Turizm Kollecində 1 Mart – Ümumdünya Mülki Müdafiə Gününə həsr edilmiş maarifləndirici tədbir keçirilib.

Tədbir Beynəlxalq Mülki Müdafiə Təşkilatı tərəfindən 2024-cü il üçün “1 Mart – Ümumdünya Mülki Müdafiə Günü”nün “Mülki Müdafiə sahəsində innovativ texnologiyalar” mövzusunda baş tutub.

Kollecin Mülki Müdafiə qərargahının rəisi Ağa Alıyev Mülki Müdafiə işinin təşkilindən söz açıb. Əməkdaşlar Mərkəzin işinin mərhələləri haqqında məlumatlandırılıblar. Qeyd olunub ki, fövqəladə halların qarşısının alınması və nəticələrin aradan qaldırılmasında, qüvvə və vasitələrin operativ idarə olunmasında, eyni zamanda müxtəlif mənbələrdən daxil olan məlumatların toplanmasında, ümumiləşdirilməsində informasiya texnologiyalarının imkanlarından geniş istifadə olunur. Risklərin qiymətləndirilməsində sözügedən imkanlar Azərbaycan Respublikası Fövqaladə Hallar Nazirliyinin işinin təşkilində də fəal istifadə edilir.

Tədbir boyunca tələbələrə dəm qazı təhlükəsinin yaranmasının əsas səbəbləri və dəm qazından zəhərlənmiş insanlara göstərilən ilkin tibbi yardım qaydaları barədə geniş məlumatlar verilib.