Mingəçevir Turizm Kolleci publik hüquqi şəxsi ilə Job Türkiyə şirkəti arasında birgə əməkdaşlığa dair müqaviləyə əsasən Türkiyənin 5 ulduzlu otellərində istehsalat təcrübəsi keçmək üçün gedən tələbələrin əmək haqqı bonuslu təcrübəsi uğurla başa çatıb. Kollecdə Türkiyədə təcrübədən qayıdan tələbələrlə kollec rəhbərliyinin görüşü keçirilib. Görüşdə təcrübə ilə bağlı tələbələrin təəssüratları dinlənilib. Türkiyədə təcrübənin perspektivləri, tələbələrin əldə etdikləri bilik və bacarıqların uğurlu karyera qurmalarında əhəmiyyəti barədə müzakirələr aparılıb.