Mingəçevir Turizm Kolleci tərəfindən həyata keçirilən “İaşə Müəssisələrinə Dəstək Proqramı” çərçivəsində KhurSide restoranında “İaşə müəssisələrində mətbəx və ticarət zalında keyfiyyətli xidmətin təşkili: Back House və Front House arasındakı problemlər və həlli yolları” mövzusunda təlim keçirilib. Qonaqpərvərlik və bələdçilik xidmətləri üzrə təlimçi Samir Zamanov təlimdə iaşə müəssisələrinin mətbəx və ticarət zalında keyfiyyətli xidmətin təşkili, Back House’in is prinsipi, Front House’in iş prinsipi, Front House və Back House arasında xidmət zamanı yaranmış problemlər, bu problemlərin həlli yolu, iaşə müəssisəsinin imicinin formalaşmasinda bu problemlərin təsir imkanları kimi məsələlərə toxnulub. İnteraktiv şəkildə həyata keçirilən təlim zamanı iştirakçıların sualları cavablandırılıb.

Sonda təlimdə iştirak edən təlimçilər sertifikatla təltif olunublar.

Mingəçevir Turizm Kolleci tərəfindən həyata keçirilən “İaşə Müəssisələrinə Dəstək Proqramı”nın məqsədi  Mingəçevir şəhərində yerləşən iaşə və qonaqpərvərlik müəssisələrində ehtiyac meyarlarına uyğun təlimləri həyata keçirməkdir və xidmətlərin təşkilində dəstək olmaqdır.

#mingəçevirturizmkolleci #azərbaycanturizmagentliyi #mtk #tələbə #karyera #memorandum #gəncə #əməkdaşlıq