ƏLAQƏ

Mingəçevir Turizm Kolleci Azərbaycan Respublikası Nazirlər Kabinetinin 13.02.2006-cı iltarixli 45 nömrəli qərarı və Azərbaycan Respublikası Mədəniyyət və Turizm Nazirliyinin təsisçiliyi əsasında yaradılıb. 2011-ci ildə Azərbaycan Respublikası Təhsil Nazirliyinin Akkreditasiya Şurasının qərarı ilə akkreditə olunub. 2018-ci ildən etibarən prezident cənab İlham Əliyevin mədəniyyət və turizm sahəsində dövlət idarəçiliyinin təkmilləşdirilməsi ilə bağlı imzaladığı Sərəncama uyğun olaraq Mingəçevir Turizm Kolleci yeni yaradılmış Azərbaycan Respublikası Dövlət Turizm Agentliyinin tabeliyinə verilmiş təşkilatların sırasına daxil edilib. Mingəçevir Turizm Kollecinin qarşısında duran başlıca vəzifə turizm sənayesi üçün hərtərəfli və bacarıqlı mütəxəssislərin hazırlanmasıdır.Buna müvafiq olaraq müəssisədə 14 ixtisas üzrə mütəxəssis hazırlığı həyata keçirilir. Məqsədyönlü tədbirlər nəticəsində təhsil müəssisəsi qısa müddətdə ciddi uğurlar qazanıb. Hazırda kollecin 8000 nəfərədək məzunu ölkə turizminin müxtəlif sahələrində əmək fəaliyyəti ilə məşğul olur. Mingəçevir Turizm Kollecinin qazandığı naliyyətlərin təməlində yüksək tədris intizamı və qabaqcıl tədris metodlarının tətbiqi dayanır. Kollec ölkənin ən geniş beynəlxalq əməkdaşlıq əlaqələrinə malik təhsil müəssisələri sırasında yer alır. Kollektivi Şotlandiyanın Stevenson, Rusiyanın Moskva Biznes və İqtisadiyyat, Moskva Humanitar, Rumıniyanın Andrei Barseanu, Qazaxıstanın “Almatı Dövlət Texnologiya və Menecment, Sankt Peterburq Turizm və Mehmanxana Servisi kollecləri, həmçinin Belarus Respublikasının Polotsk Dövlət Universiteti və Brest Dövlət Texniki Universiteti ilə işgüzar əməkdaşlıq telləri birləşdirir. 2012-ci ildən Avropa Komissiyasının TEMPUS proqramı çərçivəsində Almaniyanın Yade Universiteti, 2013 - cü ildən isə Fransanın Qrenobl Akademiyası ilə birgə həyata keçirilən beynəlxalq təhsil layihələri Mingəçevir Turizm Kollecinə önəmli təcrübələr qazandırıb.Bu cür iki və çoxtərəfli əməkdaşlıq əlaqələri təhsil sahəsində ən mütərəqqi yenilikləri kollecdə uğurla tətbiq etməyə imkan verir.