ƏSAS SƏHİFƏ        XƏBƏRLƏR        FOTO QALEREYA        HAQQIMIZDA        ƏLAQƏ

FAYDALI  KEÇİDLƏR
Azərbaycan Respublikası Mədəniyyət və Turizm Nazirliyinin rəsmi veb saytı
http://www.mct.gov.az
Tələbə Qəbulu üzrə Dövlət Komissiyasının rəsmi veb saytı
http://www.tqdk.gov.az
Azərbaycan Respublikasının rəsmi portalı
http://www.azerbaijan.az
Elektron Hökumət portalı
http://www.e-gov.az
Azərbaycan Respublikası Təhsil Nazirliyinin rəsmi veb saytı
http://www.edu.gov.az
Azərbaycanın virtual xəritəsi
http://www.gomap.az





Turizm Kolleci məqsədyönlü addımlar atmaq niyyətindədir.

Tarixin dərinliklərindən qaynaqlanan Azərbaycan xalqının milli-mənəvi dəyərləri müasir dünyanın kültürəl ənənələrinin qorunmasında və inkişafında önəmli rol oynaya bilər.


  Əsrlər ərzində fərqli mədəniyyət və inancların azad və bərabərhüquqlu şəkildə mövcud olma faktı Azərbaycan coğrafiyasını dünən olduğu kimi bu gün də sülh və əminamanlıq içində yaşamaq arzusunda olan xalqlar üçün ən cəlbedici məmləkətlərdən birinə çevirib. Hazırda ölkə paytaxtında davam edən  BMT-nin  Sivilizasiyalar Alyansının  yeddinci  Qlobal Forumu iştirakçılarının ilk çıxışlarından da  bu gerçəklik açıqca özünü biruzə verir.

   Azərbaycan cəmiyyətində dövlət rəsmilərindən tutmuş sadə vətəndaşlaradək hər kəs xalq və dövlət olaraq multikultural ənənələrin inkişafı sayəsində qazandığı bu nailiyyətləri  daha  da təkmilləşdirmək  yolu ilə  sabahlara daşımaq niyyətində olduğunu  gizlətmir. Bu mənada Respublika Mədəniyyət və Turizm  Nazirliyinin nazirliyin strukturuna daxil olan müəssisələrdə bundan sonra da məqsədyönlü işlər aparılması barədə aldığı qərar yalnız təqdirə layiqdir.

 Hər zaman ümumrespublika əhəmiyyətli məsələrin icrasına əməli dəstək nümayiş etdirən Mingəçevir Turizm  Kolleci də  proseslərdən kənarda qalmaq niyyətində deyil. Əksinə onun ən fəal iştirakçısına çevrilmək niyyətindədir. Yeddinci Qlobal Forumun hələ davam etdiyi bir vaxtda artıq  Turizm  Kolleci  uzunmüddətli fəaliyyət planını təsdiq edib. Təsbirlər planında  yeddinci Qlobal Forumun Mingəçevir Turizm Kolleci üzrə təşkilat komitəsinin yaradılması,  buna müvafiq işçi qrupunda iş bölgüsünün hazırlanması, Forumdan irəli gələn məsələlər üzrə mədəni- kütləvi tədbirlərin təşkili, Turizm Kollecində mədəniyyətlərarası dialoq mərkəzinin təbliği və yeddinci Qlobal Foruma həsr olunmuş elmi- nəzəri konfransların keçirilməsi nəzərdə tutulur.

  Kollektivin məsələnin önəminə verdiyi dəyər tədbirlər planına daxil olan məsələlərin dərhal icrasına başlanılması  prosesində də özünü biruzə verir. Belə ki, bugün - Forumun da paytaxtda davam etdiyi bir vaxtda Turizm Kolleci tədbirlər planına müvafiq olaraq ilk elmi- nəzəri konfransını təşkil etdi.

 BMT- nin Sivilizasiyalar Alyansının yeddinci Qlobal Forumuna həsr olunmuş  elmi- nəzəri konfransı açıq elan edən Mingəçevir Turizm Kollecinin direktoru iqtisad elmləri doktoru, professor Əyyub Əyyubov Forumun Azərbaycanda keçirilməsini Azərbaycanın təşkilatçılıq potensialına, multikultural ənənələrinə və dövlət başçısı başda olmaqla dünyavi sülh, barış və birgə yaşayış anlayışlarına dövlət qurumlarının və xalqın göstərdiyi həssasiyət müqabilində beynəlxalq ictimaiyyətin böyük etimadı kimi dəyərləndirdi. Əyyub Əyyubov 2016- cı ilin Multikulturalizm ili elan olunmasını da beynəlxalq aləmdə dövlətə və xalqa baş ucalığı gətirən amil olduğunu bildirdi. Onun fikrincə hələ ulu öndər Heydər Əliyev tərəfindən ən yüksək səviyyədə qorunan tolerant ənənələr bu gün prezident İlham Əliyevin ciddi səyləri ilə daha da mükəmməl şəkildə inkişaf etdirilərək təbliğ olunur. Bu mənada hər bir ölkə vətəndaşı, xüsusilə də pedaqoqlar və yetişməkdə olan gənc nəsil  mövcud dəyərlərimizin qorunmasına və təbliğinə  davamlı olaraq əməli dəstək nümayış etdirməlidir - dedi.

Qeyd edək ki, konfrans ərzində biri- birindən maraqlı çıxışlar səsləndi. Kollecin pedaqoqları  Xatirə Rzayeva, İqbal Xudiyev, Eldar Dərişov İradə Cəfərova və tələbə Cəlil Əhmədov müvafiq olaraq “ Azərbaycanın nümunəvi elmi siyasəti və perspektivlər”, “ Azərbaycan Dünyada tolerantlıq nümunəsidir”, “ Müasir və tolerant Azərbaycan Heydər Əliyevin şah əsəridir”, “Azərbaycanda mədəniyyətlərarası dialoq mərkəzinin yaradılması”  və “ Azərbaycan gəncliyi yeddinci Qlobal Forumda”  mövzularında məzmunlu məruzələrlə çıxış etdi.

  Konfransa yekun vuran kollecin direktoru professor Əyyub Əyyubov bu kimi oxşar tədbirlərin Mingəçevir Turizm Kollecində davamlı xarakter daşıyacağını bəyan etdi. Mədəniyyətlərarsı  dialoq təkcə məmləkətimiz və xalqımız üçün deyil,  bütün bəşəriyyətin gələcəyi üçün vacib məsələdir - söylədi.


 
Əlavə edilmə tarixi: 27.04.2016   |   Baxılma sayı: 795

                                

Paylaş      

SON BAXILANLAR

Mingəçevir Turizm Kollecində 28 May Respublika Günü qeyd olunub
Azərbaycan Xalq Cumhuriyyətinin 100 illik yubileyi Mingəçevir Turizm Kollecində silsilə bayram tədbirləri ilə qeyd olunub. Bu münasibətlə kollecdə açıq dərslər təşkil olunub, dəyrimi masa ətrafında müzakirələr, rəsm, inşa, ən yaxşı divar qəzeti müsabiqələri, bilik yarışması və futbol turniri keçirilib.

Mingəçevir Turizm Kollecində “Azərbaycan turizm diyarıdır” mövzusunda elmi-nəzəri konfrans keçirildi
Azərbaycanda turizm üzrə ilk orta ixtisas təhsil müəssisəsi olan Mingəçevir Turizm Kollecinin pedaqoqları tədrislə yanaşı, həm də turizm sahəsinin müxtəlif istiqamətləri üzrə elmi-yaradıcılıq axtarışlarına meylli olmaları ilə də seçilirlər.

Mingəçevir Turizm Kolleci: Növbəti tədbir uşaq nevroloji sanotoriyasına gerçəkləşdi.

Sankt-Peterburq Turizm və Mehmanxana Servisi Kollecinin nümayəndə heyəti Mingəçevir Turizm Kollecinə işgüzar səfər edib
Öncədən imzalanmış uzunmüddətli əməkdaşlıq sazişinə müvafiq olaraq Rusiya Federasiyasının Sankt-Peterburq Turizm və Mehmanxana Sevisi Kollecinin 6 nəfərlik nümayəndə heyəti Mingəçevir Turizm Kollecini ziyarət edib.

Mingəçevir Turizm Kollecin 20 Yanvar mövzusunda açıq dərs.

 
       
Copyright © 2013, Mingəçevir Turizm Kolleci