ƏSAS SƏHİFƏ        XƏBƏRLƏR        FOTO QALEREYA        HAQQIMIZDA        ƏLAQƏ

FAYDALI  KEÇİDLƏR
Azərbaycan Respublikası Mədəniyyət və Turizm Nazirliyinin rəsmi veb saytı
http://www.mct.gov.az
Tələbə Qəbulu üzrə Dövlət Komissiyasının rəsmi veb saytı
http://www.tqdk.gov.az
Azərbaycan Respublikasının rəsmi portalı
http://www.azerbaijan.az
Elektron Hökumət portalı
http://www.e-gov.az
Azərbaycan Respublikası Təhsil Nazirliyinin rəsmi veb saytı
http://www.edu.gov.az
Azərbaycanın virtual xəritəsi
http://www.gomap.az





Mingəçevir Turizm Kollecində istehlakçı hüquqları mövzusunda seminar treninq keçirib

Antiinhisar Siyasəti və İstehlakçıların Hüquqllarının Müdafiəsi Dövlət Xidmətinin təşəbbüsü ilə baş tutan tədbir kollecin pedaqoq vətələbələrinin yüksək fəallığı şəraitində davam edib.


Konfransda çıxış edən Mingəçevir Turizm Kollecinin direktoru iqtisad elmləri doktoru, professor Əyyub Əyyubov  müzakirə olunacaq mövzunun aktuallığı barədə məlumat verib: “Hüquqların dərindən öyrənilməsi insanların  hüquqi müdafiəsini daha da gücləndirən amildir. Xüsusi ilə də istehlakçı hüquqları gündəlik olaraq hər kəsin rastlaşdığı məsələlərlə bağlı olduğu üçün istehlakçı hüquqları barədə marifləndirmə tədbirləri xüsusi önəm daşıyır”.
Daha sonra Antiinhisar Siyasəti və İstehlakçıların Hüquqllarının Müdafiəsi Dövlət Xidmətinin  rəis müavini  Araz Əliyev  “İstehlakçıların Hüquqları və onların qorunması sahəsində görülən işlər” adlı geniş və məzmunlu məruzə ilə çıxış edib. O qeyd edib ki, vətəndaşların keyfiyyətli istehlak məhsulları ilə təmin edilməsi dövlətin başlıca tələblərindən və qarşıya qoyulmuş vəzifələrdən biridir. Gündəlik olaraq insanlar  bu və ya digər şəkildə  çıxılmaz durumlara düşə bilər. Bu səbəbdən də istehlakçılar  ilk növbədə istehlakçı hüquqlarını  dərindən mənimsəməlidir. İstehsalçı, məhsulun istifadə  müddəti, keyfiyyət və zəmanət göstəriciləri,  eləcə də digər zəruri tələblərin sual doğurduğu hallarda necə davranmalı, hansı hüquqi ünvanlara üz tutmalı olduğlarını  vətəndaşlar məhz bu hüquqlar vasitəsilə müəyyən edə bilər.
Daha sonra Araz Əliyev geni dəyişdirilmiş məhsullar, qeyri ənənəvi üsullarla yetişdirilmiş heyvan və bitki növlərindən hazırlanmış məhsullar, bu məhsulların orqanizmdə yaratdığı fəsadlar haqqında ətraflı söhbət açıb.
Ardınca çıxış edən  sektor müdiri  Yusif Hüseynov  “Hər bir istehlakçı öz hüquqlarını bilməlidir” mövzusunda əhatəli çıxış edib. Bu sahədə zəruri  hesab edilən məsələlərdən danışaraq, konkret örnəklər üzərində  tövsiyələrini  çatdırıb.
Seminar ərzində həmçinin Antiinhisar Siyasəti və İstehlakçıların Hüquqllarının Müdafiəsi Dövlət Xidməti tərəfindən  istehlakçı hüquqlarının qorunması istiqamətində həyata keçirilən məqsədyönlü fəaliyyət barədə geniş məlumatlar verilib. Qeyd olunub ki, indiyədək   ümumən 20-dən artıq konfrans və seminar treninqlər keçirilib. 18 adda  bukletlər və 6 müxtəlif məzmunlu kitab nəşr olunaraq  bölgələrdə istehlakçılara paylanılıb.Təkcə nəşr olunmuş büklet sayı 5 min nüsxədən artıqdır. Daha sonra seminar iştirakçılarına müxtəlif adlı buklet və digər nəzəri materiallar təqdim olunub.
Qeyd etmək lazımdır ki, seminar treninq maraqlı dialoq və fəal müzakirələr şəraitində davam edib. Rəsmi qonaqlar iştirakçıların müxtəlif xarakterli suallarını cavablandırıb.
Konfransa yekun vuran professor Əyyub Əyyubov bu tip önəmli müzakirələrin bundan sonra da davamlı xarakter daşıyacağına əmin olduğunu vurğulayıb. Eyni zamanda belə bir əhəmiyyətli maarifləndirmə tədbirinin Mingəçevir Turizm Kollecində keçirilməsinə təşəbbüs göstərdiyi üçün Antiinhisar Siyasəti və İstehlakçıların Hüquqllarının Müdafiəsi Dövlət Xidməti əməkdaşlarına və rəhbərliyinə dərin təşəkkürlərini çatdırıb.

 
Əlavə edilmə tarixi: 12.05.2018   |   Baxılma sayı: 185

                                

Paylaş      

SON BAXILANLAR

Mingəçevir Turizm Kollecində görkəmli bəstəkar Qara Qarayevin 100 illik yubileyinə həsr olunmus açıq dərslər keçirilib
Azərbaycanın görkəmli bəstəkarı Qara Qarayevin 100 illik yubileyinin qeyd olunması Mingəçevir Turizm Kollecində zəngin və rəngarəng tədbirlər proqramı üzrə aparılır.

Mingəçevir Turizm Kollecində Müəllim günü keçirildi.
5 oktyabr Müəllimlər günü MTK-da hər il xüsusi təntənə ilə qeyd olunur.

Mingəçevir Turizm Kollecinin Yeni il bayramı
Hər il olduğu kimi bu il də Mingəçevir Turizm Kolecində 31 dekabr “Dünya Azərbaycanlılarının Həmrəyliyi günü” və “Yeni il” bayramı xüsusi təntənə ilə qeyd edilmişdir.

Mingəçevir Turizm KollecindəAzərbaycan Respublikasının dövlət müstəqilliyinin 27-ci ildönümünə həsr edilmiş filmə baxış keçirilib
Mingəçevir Turizm Kollecində Azərbaycan Respublikasının dövlət müstəqilliyinin 27-ci ildönümünə həsr edilmiş tədbirlər planına uyğun olaraq 15.10.2018-ci il tarixdə “Muzey işi və abidələrin mühafizəsi” ixtisası üzrə Mui-14,“Mühasibat uçotu” ixtisası üzrə İ-32 qrup tələbələrinin iştirakı ilə film nümayişi keçirilib.

Mingəçevir Turizm Kollecinin kollektivi 31 dekabr Dünya Azərbaycanlılarının Həmrəyliyi Günü və Yeni il münasibətilə coşqulu bayram şənliyi keçirib
“Minqo-Park” İstirahət Mərkəzində təşkil olunan bayram şənliyində kollecin pedaqoji heyəti və istedadlı tələbələri iştirak edib.Bayram süfrəsi arxasında saatlarla sevinc dolu anlar yaşayan şənlik iştirakçıları arxada qalan 2017-ci tədris ilinin yorğunluğundan qurtularaq yeni uğurlara köklənmək üçün əla fürsət qazanıb.

 
       
Copyright © 2013, Mingəçevir Turizm Kolleci