ƏSAS SƏHİFƏ        XƏBƏRLƏR        FOTO QALEREYA        HAQQIMIZDA        ƏLAQƏ

FAYDALI  KEÇİDLƏR
Azərbaycan Respublikası Mədəniyyət və Turizm Nazirliyinin rəsmi veb saytı
http://www.mct.gov.az
Tələbə Qəbulu üzrə Dövlət Komissiyasının rəsmi veb saytı
http://www.tqdk.gov.az
Azərbaycan Respublikasının rəsmi portalı
http://www.azerbaijan.az
Elektron Hökumət portalı
http://www.e-gov.az
Azərbaycan Respublikası Təhsil Nazirliyinin rəsmi veb saytı
http://www.edu.gov.az
Azərbaycanın virtual xəritəsi
http://www.gomap.az





Mingəçevir Turizm Kollecində ingilis dili günü keçirilib

Əcnəbi dillərə maraq Mingəçevir Turizm Kolleci tələbələri arasında üstün xarakterik xüssusiyyətlərdən birinə çevrilib. Bu da heç şübhəsiz xarici dil vərdişlərinin turizm sənayesində çalışacaq mütəxəssislər üçün xüsusi önəm daşıması ilə əlaqədardır.


Ona görə də pedaqoji heyət kadr hazırlığı prosesində xarici dillərin tədrisinə, xarici dil günlərinin təşkilinə və digər oxşar vacib tədbirlərin keçirilməsinə böyük diqqət ayırır. Bu silsilədən  kollecdə növbəti dil günü tədbiri keçirilib. İngilis dili günü adı altında təşkil olunan tədbirdə  xarici dil fənn komissiyasının aparıcı mütəxəssisləri, əcnəbi dillərin mənimsənilməsində naliyyətləri ilə diqqət çəkən istedadlı tələbələr iştirak edib.
Tədbirdə çıxış edən Mingəçevir Turizm Kollecinin direktoru, iqtisad elmləri doktoru, professor Əyyub Əyyubov  dil günlərinin kollecdə ənənəvi xarakter daşıdığını bildirib. O, bundan öncə kollecdə   rus dili günü kimi qeyd olunan tədbiri xatırladaraq - bizim kollecə və kollektivə də yaraşan budur ki, biz konkret ixtisas hazırlığı ilə yanaşı xarici dillərin öyrənilməsinə və təbliğinə xüsusi diqqət nümayiş etdiririk:
" Kollecimiz geniş beynəlxalq əlaqələrə malik  tanınmış təhsil müəssisəsidir. Beynəlxalq təhsil proqramları və qarşılıqlı işgüzar əlaqələr çərçivəsində  çoxsaylı səfərlərdə, konfrans və seminarlarda davamlı olaraq iştirak edirik. Qürurverici haldır ki, bu əlaqələrin uğulu gedişatı  zamanı pedaqoqlarla yanaşı, həm də istedadlı tələbələrimizin yüksək fəallığı diqqət çəkir. İrəlidə bizi yeni perspektivlər gözləyir. O cümlədən tələbələrimizin xarici ölkələrdə istehsalat təcrübəsi keçməsi nəzərdə tutulur. Bunun üçün isə ilk növbədə xarici dil vərdişləri təkmilləşdirilməlidir. Digər tərəfdən turizm sənayesində çalışacaq mütəxəssisin  xarici dillərdən ən azı birini bilməsi zəruri şərtdir. Biz rəhbərlik və pedaqoji heyət olaraq hədəflərə yetişmək üçün bütün imkanlarımızdan bundan sonra da maksimum istifadə edəcəyik. Tələbələr də öz növbəsində üzərinə düşən vəzifələrə iki qat məsuliyyət nümayiş etdirməlidir. Əbəs yerə söyləməyiblər ki, bir neçə  dil bilən şəxs eyni zamanda həmin  sayda insan anlamına gəlir".
Bundan sonra xarici dillərin önəmindən bəhs edən video çarxa baxış keçirilib. Ardınca biri-birindən məzmunlu çıxışlar səslənib.
Beynəlxalq əlaqələr üzrə tərcüməçi Gülşən Nəsirova, ingilis dili müəllimləri Fəxriyyə Məbudova və Xəyalə Həşimova  müvafiq olaraq "Mingəçevir Turizm Kollecinin uğurları və beynəlxalq əlaqələri", "Turizm sektorunda ingilis dilinin əhəmiyyəti" və "İngilis dilinin tədrisdə rolu" mövzularında çıxış edib. Çıxışlardan sonra müvafiq xarici dildə maraqlı müzakirə və diskusiyalar aparılıb. İngilis dilində səslənən məruzələr və aparılan müzakirələr bir daha kollecin mövcud potensialını ortaya qoyub.
Tədbir  istedadlı tələbələr tərəfindən ingilis dilində  hazırlanmış ədəbi-bədii kompozisiyanın nümayişi ilə başa çatıb. Qeyd etmək lazımdır ki, kompozisiyanın təqdim olunan proqramı maraqlı elementləri ilə iştirakçılarda rəğbət oyadıb. Xüsusilə də kompozisiyanın Azərbaycan Respublikasının Dövlət Himninin ingilis və azərbaycan dillərində canlı ifa ilə başlanması alqışlarla müşayət olunub. Müxtəlif səhnəcik, poetik nümunə və musiqi parçaları da tələbələrin ifasında yüksək ustalıqla ifa olunub.
 

 
Əlavə edilmə tarixi: 28.04.2018   |   Baxılma sayı: 245

                                

Paylaş      

SON BAXILANLAR

Mingəçevir Turizm Kollecində görkəmli bəstəkar Qara Qarayevin 100 illik yubileyinə həsr olunmus açıq dərslər keçirilib
Azərbaycanın görkəmli bəstəkarı Qara Qarayevin 100 illik yubileyinin qeyd olunması Mingəçevir Turizm Kollecində zəngin və rəngarəng tədbirlər proqramı üzrə aparılır.

Mingəçevir Turizm Kollecində Müəllim günü keçirildi.
5 oktyabr Müəllimlər günü MTK-da hər il xüsusi təntənə ilə qeyd olunur.

Mingəçevir Turizm Kollecinin Yeni il bayramı
Hər il olduğu kimi bu il də Mingəçevir Turizm Kolecində 31 dekabr “Dünya Azərbaycanlılarının Həmrəyliyi günü” və “Yeni il” bayramı xüsusi təntənə ilə qeyd edilmişdir.

Mingəçevir Turizm Kollecinin kollektivi 31 dekabr Dünya Azərbaycanlılarının Həmrəyliyi Günü və Yeni il münasibətilə coşqulu bayram şənliyi keçirib
“Minqo-Park” İstirahət Mərkəzində təşkil olunan bayram şənliyində kollecin pedaqoji heyəti və istedadlı tələbələri iştirak edib.Bayram süfrəsi arxasında saatlarla sevinc dolu anlar yaşayan şənlik iştirakçıları arxada qalan 2017-ci tədris ilinin yorğunluğundan qurtularaq yeni uğurlara köklənmək üçün əla fürsət qazanıb.

Bilik yarışı
2015/2016-cı tədris ilində MTK-da müxtəlif ixtisasları təmsil edən qruplar arasında bilik yarışının keçirilməsi nəzərdə tutulmuşdur.

 
       
Copyright © 2013, Mingəçevir Turizm Kolleci